اردوئے معلیٰ

Search

حمد و مناجات

 

آیا تھا مجھے میرے محمد کا بُلاوا

میں گنبد خضریٰ کے نظاروں میں نہایا

 

ہونٹوں پہ مجھے روضۂ اقدس نے ہے چُوما

آنکھوں سے مجھے گنبد خضریٰ نے لگایا

 

مدہوش ہوں بیٹھا ہوا میں صحن حرم میں

اے ماں !مجھے کیا عشقِ محمد ہے پِلایا

 

کعبہ تو ترا گھر ہے جو معراج سکون ہے

دنیا میں مدینہ تری جنت ہے خدایا

 

قدموں میں جگہ دے کے مجھے میرے نبی نے

ہے گنبد خضریٰ کو مرے سرپہ سجایا

 

آیا ہوں ترے در پہ گداؤں کا گدا گلؔ

کیا عشقِ محمد ہے مقدر نے پِلایا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ