اردوئے معلیٰ

Search

آ جھوک مری اُجڑی وسوندے نہ ترے نین

مر جاندا کدوں دا جے بچوندے نہ ترے نین

 

بے چین نوں پھر چین دی خیرات نہ ملدی

اک جام نظر دا جے پیوندے نہ ترے نین

 

انسان نوں جیون دی کدی جاچ نہ اوندی

آ کے جے کدی انگلی پھڑوندے نہ ترے نین

 

دل میرا کدوں بننا سی بُت خانے توں کعبہ

اس دل دی گلی پھیرا جے پوندے نہ ترے نین

 

سرکار جھلک تیری نہ صدیق چوں دِسدی

صدیق تے رنگ اپنا چڑھوندے نہ ترے نین

 

اس پار توں اُس پار دے دِسدے نہ نظارے

بجلی جے اداواں دی گروندے نہ ترے نین

 

اعجازؔ میں ڈُب جاندا گناہواں دے سمندر

کنڈھے تے کدی آ کے جے لوندے نہ ترے نین

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ