اردوئے معلیٰ

Search

ائے بدرکاب عمر تجھے کیا خبر کہ ہم

پچھلی مسافتوں میں کہیں گر کے کھو چکے

 

ائے تازگیِ رُوئے سحر، دیر ہوگئی

ہم شب گزیدگان اندھیرے میں سو چکے

 

ائے وائے امتدادِ زمانہ کہ آج ہم

لوحِ خیالِ یار سے معدوم ہو چکے

 

ائے ناشناس عہدِ ہوس پوش ، آ کہ ہم

اپنے جوان مرگ تقدس کو رو چکے

 

بس چھ برس میں نصف صدی بیتنے کو

ائے شامِ ہجر ، ہم کئی سورج ڈبو چکے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ