اُن کی یاد آئی تو بھر آئے سحابِ مژگاں

اُن کی یاد آئی تو بھر آئے سحابِ مژگاں

کُھل کے برسا ہے مرے قلب پہ آبِ مژگاں

 

ایک دیدار کی اُمید سے نکہت لے کر

کِھل سے جاتے ہیں سرِ شام گُلابِ مژگاں

 

کوئے انوار سے اک ناقہ سوار آئیں گے

بس اُنہی کے لئے وا رہتا ہے بابِ مژگاں

 

اک تصوّر ہے جسے اور کوئی دیکھ نہ لے

اُس پہ رکھتا ہوں میں ہر وقت حِجابِ مژگاں

 

اِس کا مقصُود ہے اک شہرِ معطّر کا طواف

بس اِسی شوق میں بہتا ہے چنابِ مژگاں

 

موڑ مُڑتے ہی پڑی گنبدِ اخضر پہ نظر

ایک ہی پل میں سوا ہو گئی تابِ مژگاں

 

اِک نہ اِک روز تو تعبیر اسے چُومے گی

ایک دیدار کی حسرت میں ہے خوابِ مژگاں

 

کتنا رویا ہُوں مدینے میں حُضُوری کے لئے

فردِ اعمال میں لکھا ہے حسابِ مژگاں

 

قلبِ اشفاق کے ابلق پہ سواری کیجے

تھام کر بیٹھا ہُوں مُدّت سے رکابِ مژگاں

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

جب حسن تھا ان کا جلوہ نما انوار کا عالم کیا ہوگا
کس کی آمد ہے یہ کیسی چمن آرائی ہے
کلامِ احمدِ مرسل سمندر ہے لطافت کا
اے خدا شكر كہ اُن پر ہوئیں قرباں آنكھیں
ہستی پر میری مولا آقا کا رنگ چڑھا دے
روحِ دیں ہے عید میلادُالنبی
شب غم میں سحر بیدار کر دیں
شفیع الوریٰ() کو درودوں کا عطیہ​
مہکی ہے فضا گیسوئے محبوب عرب سے
ہیں سرپہ مرے احمد مشکل کشا کے ہاتھ

اشتہارات