اردوئے معلیٰ

Search

اُن کے دَر پر قبول ہو جائیں

لفظ مِدحت کے پھول ہو جائیں

 

آرزُو ہے کہ ہم مدینے میں

اُن کی راہوں کی دھول ہو جائیں

 

ہم پہ رحمت کی اک نظر آقا

تا کہ ہم با اُصول ہو جائیں

 

دِل میں یہ بات آ کے بیٹھ گئی

ہم فدائے رسول ہو جائیں

 

اے صبا لوٹ کر بتا دینا

جب یہ نعتیں وصول ہو جائیں

 

نعت کے حَرف، حَرف میں آقا

مِرے جذبے حُلُول ہو جائیں

 

اے رضاؔ نعت ہی سُنا دینا

جب کبھی ہم ملول ہو جائیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ