اردوئے معلیٰ

آتا ہے جب بھی لفظِ محمد اذان میں

 

آتا ہے جب بھی لفظِ محمد اذان میں

میلاد ہونے لگتا ہے دل کے مکان میں

 

صورت کی اُن کے سیرت و کردار کی کہیں

ملتی نہیں مثال کسی بھی جہان میں

 

حضرت حلیمہؓ آپ کی گودی کے لعل سا

دھرتی پہ تھا نہ کوئی کہیں آسمان میں

 

عشقِ رسولِ ہاشمی کی ہے یہ بھی عطا

نعتیں سُنوں تو شہد ٹپکتاہے کان میں

 

خواہش ہے مسجدِ نبی میں بیٹھ کر کبھی

لکھتا رہوں قصیدے میں آقا کی شان میں

 

اِک عاشقِ رسول کا بس یہ علاج ہے

ہو ذکر اُن کا جان پھر آتی ہے جان میں

 

اشعرؔ درود اور ثنا کے طفیل ہی

تاثیر آگئی ہے ہماری زبان میں

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ