اردوئے معلیٰ

Search

آمدِ خیرالواریٰ حق مرحبا صد مرحبا

نائبِ رب العلی حق مرحبا صد مرحبا

 

تاجدارِ انبیاء حق مرحبا صد مرحبا

شہنشاہِ دوسرا حق مرحبا صد مرحبا

 

کہکشائیں بھی منور ہو گئیں ہیں نور سے

آمدِ نورِ خدا حق مرحبا صد مرحبا

 

ہر زمانہ جن کے آنے کی خبر دیتا رہا

آ گئے وہ رہنما حق مرحبا صد مرحبا

 

بارہ کی صبحِ بہاراں ہے جہاں پُر نور ہے

گونجتی ہے یہ صدا حق مرحبا صد مرحبا

 

کیا زمیں ہے آسماں پر بھی صدائیں اے رضاؔ

آ گئے فخر الہدیٰ حق مرحبا صد مرحبا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ