اردوئے معلیٰ

Search

آپ کا جود و کرم شاہِ امم

خوب سب پہ دم ، بدم شاہِ امم

 

عرشِ اعظم کی بلندی بھی تو ہے

آپ کے زیرِ قدم شاہِ امم

 

آپ آئے تو جہاں والوں کے سب

مٹ گئے رنج و الم شاہِ امم

 

انبیاء و مرسلیں میں آپ ہیں

سب سے اعلیٰ ، محترم شاہِ امم

 

آپ ہیں صادق ، امیں ، اُمّی لقب

آپ کا سچا دھرم شاہِ امم

 

ہیں فدا جس پر وہ باغاتِ عدن

آپ کا باغِ اِرم شاہِ امم

 

کاش! مر جائیں مدینے پاک میں

آپ کے قدموں میں ہم شاہِ امم

 

حاصلِ کُن آپ ہیں جانِ جہاں

رہبرِ عرب و عجم شاہِ امم

 

شرک و بدعت اور جہالت کے سبھی

آپ نے توڑے صنم شاہِ امم

 

آپ ہی رکھیں گے روزِ حشر بھی

ساری اُمت کا بھرم شاہِ امم

 

کیجیئے اب مجھ رضاؔ پر بھی کرم

ہیں بہت در پیش غم شاہِ امم

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ