اکھڑ جائے شبِ ظلمت کا ڈیرہ یا رسول اللہ
میرے آنگن میں ہو جائے سویرا یا رسول اللہ
بھنور کی زد میں پھر آئی مرے حالات کی کشتی
غموں کا سر پہ بادل ہے گھنیرا یا رسول اللہ
مرے تاریک دل میں کیجیے شمعِ یقیں روشن
مرے گھر سے مٹا دیجیے اندھیرا یا رسول اللہ
تمہارے نام پر جب بھی درود پاک پڑھتا ہوں
تو بگڑا کام بن جاتا ہے میرا یا رسول اللہ
مری مظہرؔ زباں پر بس یہی گردان جاری ہو
میں تیرا ہوں میں تیرا ہوں میں تیرا یا رسول اللہ
