اردوئے معلیٰ

Search

اک تری آقا نظر مُردے جگاوے ہس کے

زلف مستانہ زمانہ چا بناوے ہس کے

 

شمع توحید دی بلدی اے دلاں دی نگری

موج وچ آ کے جے اوہ انگلی ہلاوے ہس کے

 

ہس پوے اک وی ادا تیری اداواں وچوں

جھوک نیناں دی خدائی چا لٹاوے ہس کے

 

عشق دا پھٹدا اے لاوا تے چریندے دل نیں

یار پلکاں نوں اُٹھاوے یا جھُکاوے ہس کے

 

حال پچھدی اے مدینے دی جدوں واء جھُمدی

راگ دل کملا وچھوڑے دا سناوے ہس کے

 

وِیہہ خشیاں دی مکا دیوے ترا اک جلوہ

بانہہ مُڑ دل دی غماں نوں چا پھڑاوے ہس کے

 

گھنڈ کملی دا وی اعجازؔ دیوانہ کردا

آپ دا جلوہ لکاوے یا وکھاوے ہس کے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ