اردوئے معلیٰ

Search

ایہ بختاں دے اُچے ہلارے نہ ہوندے

جے آقا دی اکھ دے اشارے نہ ہوندے

 

زمانہ کِدوں پھر گھٹاواں نوں لبھدا

ترے کنڈلاں دے ہلارے نہ ہوندے

 

مدینے دے ٹکڑے جے سانوں نہ ملدے

کسے بوہے تے وی گزارے نہ ہوندے

 

کِدے جا کے دینہہ مُڑ بھلا ساہ کڈھیندا

تساں وال مُکھ تے کھلارے نہ ہوندے

 

کدی وی نہ مُکھڑے چمکدے حبیبا

ترے فیض جیکر نکھارے نہ ہوندے

 

اوہ کالا اے پتھر بھلا کون چمدا

تساں ہوٹھ لائے پیارے نہ ہوندے

 

کدوں دے سی اعجازؔ ڈُب جانے بیڑے

جے سوہنے محمد نیں تارے نہ ہوندے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ