اردوئے معلیٰ

Search

ایہ خاب کدی تکدا بیمار مدینے وچ

ہتھ رکھدے نبض اُتے سرکار مدینے وچ

 

جہناں نوں پلا دیویں توں جام نگاہواں دے

کوثر دا مزا لیندے اوہ یار مدینے وچ

 

جے رکھنا ای زندہ تے رکھ وکھرے نہ سوہنے توں

جے مارنا ای مولا پھر مار مدینے وچ

 

پھل سارے زمانے دے خیرات لَوَن آ کے

انج کر کے مہکدا اے ہر خار مدینے وچ

 

گل ہار جو نفرت دا مجبور سجا آیا

منٹھار بنا چھڈیا ہے پیار مدینے وچ

 

توں عشق سمندر دی من اُتے کھلو تے سہی

گل پار دی کردا اے اروار مدینے وچ

 

اعجازؔ نبی دے در تقدیر بدلدی اے

ہے لوح قلم دا وی گھر بار مدینے وچ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ