اردوئے معلیٰ

Search

ایہ دل دی جھوک نیناں توں لٹاون دا مزا آیا

ہے کملی ، کملی والے دی سداون دا مزا آیا

 

محبت دی پُڑی دے کے مرض سارے مکا چھوڑے

نبض نیناں دی نیناں نوں وکھاون دا مزا آیا

 

مِرے آقا دی انگلی تے فلک توں ٹٹ کے چن بولے

کہ عرشاں اُتوں فرشاں تے ہے آون دا مزا آیا

 

نہ جبرائیل دا دل ٹھریا خدا دے سبھ نبی ویکھے

خدا دے یار نوں سینے ہے لاون دا مزہ آیا

 

تصور وچ قلم نوں آ فرشتے بوسے دیندے نیں

ہے دل تے نقش طیبہ دا بناون دا مزا آیا

 

دعا دے کان بک وچوں کدی تیری جھلک دِسدی

میں کہندا ہتھ دعا دے لئی اُٹھاون دا مزا آیا

 

وفا دے غار وچ اعجازؔ سُن صدیق کہندا اے

نبی دے مُکھ تے اکھیاں نوں ٹکاون دا مزا آیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ