اے راحتِ جاں باعثِ تسکین محمد

 

اے راحتِ جاں باعثِ تسکین محمد

اے شاہِ زمن شاہِ سلاطین محمد

 

بے کس کو ملا آپ کی چوکھٹ کا سہارا

اے گنجِ کرم حامیِ مسکین محمد

 

ہیں دونوں جہاں آپ کے انوار سے روشن

کونین کی آرائش و تزئین محمد

 

قرآن میں ہے آپ کا اللہ ثناء خواں

قرآن میں ہے طہٰ و یٰسین محمد

 

ہوں کس سے بیاں آپ کے گنجینہء اوصاف

ہے صدق و صفا شوکتِ آئین محمد

 

ہمدرد مرے شاہ سا اشفاقؔ کہاں ہے

اُمت ہے خطا کار تو غمگین محمد

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ