اردوئے معلیٰ

اے مالکِ ارض و سما ، تُو لائقِ حمد و ثنا

اے مالکِ ارض و سما ، تُو لائقِ حمد و ثنا

سنتا ہے تُو ہر التجا ، تُو لائقِ حمد و ثنا

 

ہر بے کس و لاچار کا تُو مالک و مختار ہے

ہر بے نوا کا ہم نوا ، تُو لائقِ حمد و ثنا

 

رحمان ہے غفّار ہے اور عفو ہے زیبا تجھے

کر درگزر میری خطا ، تُو لائقِ حمد و ثنا

 

بیتِ حرم دیکھیں تِرا روضہ تِرے محبوب کا

کوئی سبب کر دے عطا ، تُو لائقِ حمد و ثنا

 

اُمّت ترِے محبوب کی مشکل میں ہے میرے خدا

ہے تاک میں دشمن سدا ، تُو لائقِ حمد و ثنا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ