اردوئے معلیٰ

Search

بزمِ ہستی کے روحِ رواں آپ ہیں

یا نبی! رحمتِ دو جہاں آپ ہیں

 

منبعء جود ، مونس و غمخوارِ کُل

حامیء بے کساں ، مہرباں آپ ہیں

 

شہنشاہِ زماں ، خاتمِ مُرسلاں

باعثِ کُن فکاں ، جاوِداں آپ ہیں

 

شہریارِ اِرم ، تاجدارِ حرم

رہبرِ رہبراں ، عالیشاں آپ ہیں

 

صاحبِ تاج و معراج ، محبوبِ حق

رونقِ مجلسِ قدسیاں آپ ہیں

 

عاصیوں کو قیامت کا کچھ ڈر نہیں

چونکہ والیّء کل عاصیاں آپ ہیں

 

آپ سے نور ہے ساری کونین میں

کُل خدائی کے بھی حکمراں آپ ہیں

 

آپ صبر و رضاؔ کے ہیں پیکر عظیم

خُلق میں اک مثالی جہاں آپ ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ