اردوئے معلیٰ

Search

بہاریں ہی بہاریں ہیں چَمن میں

نبی کے ذِکر سے خوشیاں زَمن میں

 

نبی کی یاد آئی دِل ہے مَہکا

سُکوں کی لہر دوڑی تَن، بَدن میں

 

نبی کے نام پر جو بٹ رہا ہے

تبھی تو برکتیں ہیں ایسے دَھن میں

 

خدا کا نُور اُترے گا یقینا

نبی کا نام لینا انجمن میں

 

فرشتے اس لیے ہیں رَشک کرتے

نبی کے عشق کا ڈیرہ ہے مَن میں

 

ہوں پیدا جِدّتیں اور نُدرتیں بھی

نبی جی مجھ رضاؔ کے بھی سخن میں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ