اردوئے معلیٰ

Search

بہت تلاش کرے گا ترا سنگھار مجھے

جمالِ یار ترا آئینہ شکست ہوا

 

مقابلے پہ میں اپنے اتر نہیں پایا

کہ حوصلہ مری دہشت سے میرا پست ہوا

 

کہاں گئے ترے عشاقِ جاں نثار ، بتا

مجھے تو چھوڑ کہ میں تو ہوس پرست ہوا

 

پھر ایک اور مسافت کو بادبان کھلے

پھر ایک اور قیامت کا بند و بست ہوا

 

ہزار طرز سے دیتی رہی حیات صدا

مگر وہ شخص کہ جو خودکشی میں مست ہوا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ