اردوئے معلیٰ

Search

بیٹھے ھیں چَین سے ، کہیں جانا تو ھے نہیں

ھم بے گھروں کا کوئی ٹھکانا تو ھے نہیں

 

تُم بھی ھو بیتے وقت کے مانند ہُو بہو

تُم نے بھی یاد آنا ھے ، آنا تو ھے نہیں

 

عہدِ وفا سے کس لیے خائف ھو ، میری جان

کرلو کہ تُم نے عہد نبھانا تو ھے نہیں

 

وہ جو ھمیں عزیز ھے ، کیسا ھے ، کون ھے

کیوں پوچھتے ھو ، ھم نے بتانا تو ھے نہیں

 

دُنیا ! ھم اھلِ عشق پہ کیوں پھینکتی ھے جال ؟

ھم نے ترے فریب میں آنا تو ھے نہیں

 

کوشش کریں تو لوٹ ھی آئے گا ایک دِن

وہ آدمی ھے ، گذرا زمانہ تو ھے نہیں

 

وہ عشق تو کرے گا مگر دیکھ بھال کے

فارس ! وہ تیرے جیسا دِوانہ تو ھے نہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ