اردوئے معلیٰ

Search

تاجدار جہاں یا نبی محترم

تم پہ ہردم کروڑوں درود و سلام

ہم غلاموں پہ ہو آقا نظر کرم

تم پہ ہردم کروڑوں درود و سلام

 

آپ کی ہے زمیں آسماں آپ کا

عرش سے فرش تک کل جہاں آپ کا

آپ کی ملک ہے آقا عرب و عجم

تم پہ ہردم کروڑوں درود و سلام

 

یہ زمیں آسماں یہ جہاں کا نظام

آپ کے واسطے ہیں یہ محفل تمام

تم نہ ہوتے تو ہو جاتا سارا ختم

تم پہ ہردم کروڑوں درود و سلام

 

آپ صادق امیں سیدالمرسلین

خاتم الانبیاء رحمت عالمین

آپ کی شان کا سب سے اونچا علم

تم پہ ہردم کروڑوں درود و سلام

 

حسن یوسف پہ بیشک کٹی انگلیاں

پر تیرے نام پر اے شہہ دوجہاں

تیرے مستانوں نے کر دیئے سر قلم

تم پہ ہردم کروڑوں درود و سلام

 

یہ بہاریں نظارے یہ گلشن کے پھول

وجہہء تخلیق کل میرا پیارا رسول

کل جہاں کی صداء نغمہ سنج ہے ارم

تم پہ ہردم کروڑوں درود و سلام

 

سنگ کلمہ پڑھے پیڑ سجدے کریں

چاند شق ہوگیا ڈوبا سورج پھریں

زیر پاء آپ کے ہوتے پتھر نرم

تم پہ ہردم کروڑوں درود و سلام

 

زلفیں واللیل رخ والضحیٰ ہے تیرا

رب کے محبوب تو دل رباء ہے میرا

کوئی تجھ سا نہیں ہے خدا کی قسم

تم پہ ہردم کروڑوں درود و سلام

 

حوروں غلماں کی ہم کو نہ جنت کی چاہ

آپ کی دید کو آقا ترسے نگاہ

جلوہ دکھلایئے جلد شاہِ امم

تم پہ ہردم کروڑوں درود و سلام

 

جام الفت کا اپنی پلا دیجئے

اپنا دیوانہ ہم کو بنا دیجیئے

عشق میں آپ کے ہی یہ نکل جائے دم

تم پہ ہردم کروڑوں درود و سلام

 

خالی دامن کو الفت سے بھر دیجئے

ساتھ ہی شوق سنت عطاء کیجئیے

بھیک مانگے یہی ہاتھ پھیلا کے ہم

تم پہ ہردم کروڑوں درود و سلام

 

موت دیدار کا ان کے پیغام ہے

کتنا پیارا یہ دیوانوں انعام ہے

یا نبی یا نبی کہہ کے مرجائیں ہم

تم پہ ہردم کروڑوں درود و سلام

 

صدقہ حسنین کا یا شفیع الامم

واسطہ چار یاروں کا کردو کرم

دور ہوجائے سارے مسلماں کے غم

تم پہ ہردم کروڑوں درود و سلام

 

ہم گنہگار ہیں ہم سیہ کار ہیں

اپنے اعمال سے ہم شرمسار ہے

لاج رکھ لینا محشر میں شاہِ امم

تم پہ ہردم کروڑوں درود و سلام

 

یہ درودوں سلام کیجئے آقا قبول

معاف کر دیجئے ہم کو پیارے رسول

چھوڑ کر در تمہارا کہاں جائیں ہم

تم پہ ہردم کروڑوں درود و سلام

 

اپنی شایان شاں لطف فرمایئے

اپنے خالد کو قدموں میں بلوائیے

پاس دولت ہے اسکے نہ جاہ و حشم

تم پہ ہردم کروڑوں درود و سلام

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ