اردوئے معلیٰ

Search

تسیں اکھ پھیر سو میتھوں نگاہواں نوں بھلیکھا اے

مِرا دیوا بجھا دیسن ہواواں نوں بھلیکھا اے

 

تری زلفاں دے جو قیدی کدوں ڈردے سزاواں توں

دعا کرسن رہائی دی سزاواں نوں بھلیکھا اے

 

ترے سورج دی رِشماں نوں مِرے بختاں دی دھرتی توں

مدھم چڑھ چڑھ کے کر دیسن گھٹاواں نوں بھلیکھا اے

 

غماں دی چھل توں لڑھ لڑھ کے وفا دے موتی رُل جاسن

تسیں نہ مل کوئی پوسو جفاواں نوں بھلیکھا اے

 

تری رحمت غلاماں نوں چھڑیسی نہ خطاواں توں

جہنم پورے چاء کرسی خطاواں نوں بھلیکھا اے

 

کدی اسلام دے در توں بہاراں سِر اُٹھا لیسن

چمن تیرا نگل ویسن خزاواں نوں بھلیکھا اے

 

ترا اعجازؔ ناں چم کے مِرے اکھر جے ہتھ چوسن

جھڑی لگسی نہ رحمت دی دعاواں نوں بھلیکھا اے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ