تسی تے سب جہاناں دے او سرور یا رسول اللہ
کرو میرے وی تے حالات بہتر یا رسول اللہ
وَرَفَعنَا دی خِلعت آپ نوں پہنائی اے رب نے
تساں دی شان ہے نبیاں توں برتر یا رسول اللہ
عطا مینوں وی ہو جاوے طبیعت رومیؒ جامیؒ دی
تساں دے در تے فِر ہوواں میں حاضر یارسول اللہ
عطا ہو جاوے اَنعمت دی راہ تے نوکری مینوں
تساں دے بندیاں دا ہوواں چاکر یا رسول اللہ
مجیدؔ ایہہ ناز کردا رئے سدا حسانؓ دے وانگوں
بنا لؤ مینوں وی اپنا سخنور یا رسول اللہ
