اردوئے معلیٰ

Search

تمام اَن کہی باتوں کا ترجمہ کر کے

کوئی بتائے اُن آنکھوں کا تجمہ کر کے

 

سناؤں گا نہیں لیکن کہا تو ہے اک شعر

تمہاری ساری اداؤں کا ترجمہ کر کے

 

میں ساری باتیں پسِ گفتگو بھی کرتا ہوں

مجھے سنو مری سوچوں کا ترجمہ کر کے

 

غزل نگار ہوا نے تمام شاخوں پر

لکھے ہیں گُل ترے گالوں کا ترجمہ کر کے

 

میں دور دیس کے اک شخص کو لُبھاؤں گا

جناب ِ میر کے شعروں کا ترجمہ کر کے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ