اردوئے معلیٰ

Search

تمنا دل کی بڑھتی جا رہی ہے

خلش دوری کی اب تڑپا رہی ہے

 

اکیلا تو نہیں میں نعت پڑھتا

چمن کی ایک اک شے گا رہی ہے

 

وسیلہ ان کا میرے کام آیا

کہ میری بات بنتی جا رہی ہے

 

مدینے کو اکیلا کب چلا ہوں

محبت بھی سفر پر جا رہی ہے

 

نہیں ہے دور اب وہ سبز گنبد

ہوا کانوں میں یہ بتلا رہی ہے

 

عطا تجھ پر کرم اب اور کیا ہو

جو نعتِ پاک لکھی جا رہی ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ