اردوئے معلیٰ

Search

توُ ربِ دو جہاں ہے سارے جہاں ہیں تیرے

ذرے سے آسماں تک سب حمد خواں ہیں تیرے

 

انسان ہی نہیں ہیں حمد و ثنا کے داعی

یہ جانور پرندے سب نغمہ خواں ہیں تیرے

 

بدلے ہوئے یہ موسم رنگوں کی یہ بہاریں

کلیاں یہ بیل بوٹے یہ گلستاں ہیں تیرے

 

تیری عنایتوں کا کب ہوسکے احاطہ

یہ قلب و روح تیرے یہ جسم و جاں ہیں تیرے

 

یا رب جلیل کو ہو صحبت نصیب ان کی

بندے ترے کرم سے جو شادماں ہیں تیرے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ