اردوئے معلیٰ

Search

تو ہی تو کل جہان کا رحمان اے خدا

سارے جہاں پہ ہے ترا احسان اے خدا

 

تیرے کرم سے حسن ہے تیرے کرم سے عشق

کیوں کر نہ تجھ پہ ہو کوئی قربان اے خدا

 

انکار تیری ذات سے انسان کر سکے

اس کا تو کوئی بھی نہیں امکان اے خدا

 

یہ درد یہ تڑپ یہ خلش یہ غم فراق

سب ہے ترا کرم ترا احسان اے خدا

 

بہزادؔ کو ہر ایک مراد اس کی مل چکی

یثرب کا رہ گیا ہے بس ارمان اے خدا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ