اردوئے معلیٰ

Search

جتنا دیا سرکار نے مجھ کو اتنی میری اوقات نہیں

یہ تو کرم ہے انُ کا ورنہ مجھ میں تو ایسی بات نہیں

 

تو بھی وہیں پہ جا جس در پر سب کی بگڑی بنتی ہے

ایک تری تقدیر بنانا ان کیلئے کچھ بات نہیں

 

ذکرِ نبی میں جو دن گزرے وہ دن سب سے بہتر ہیں

یادِ نبی میں جو رات گزرے اس سے بہتر رات نہیں

 

غور تو کر سرکار کی تجھ پر کیسی خاص عنایت ہے

کوثر تو ہے ان کا ثناء خواں یہ معمولی بات نہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ