اردوئے معلیٰ

Search

جدوں سوہنے دے نیناں توں اشارے مسکرا پیندے

غماں وچ روندے صدیاں توں وچارے مسکرا پیندے

 

فدا ہر کوئی ہو جاوے سمھالے دل کیویں آقا

تری زلفاں دے جھم جھم کے ہلارے مسکرا پیندے

 

ہنیری رات نوں سوئی نظر آوے ہووے چانن

تبسم آپ دا ہوندا نظارے مسکرا پیندے

 

صحابہ ملدے تلیاں تے کدی چہرے تے ملدے سی

نبی دا لب جے کھُوہ چمدے اوہ کھارے مسکرا پیندے

 

زمانہ جھڑکیاں دیندا گداواں دی نہ کوئی سُندا

گدا آ کے تے آقا دے دوارے مسکرا پیندے

 

زمانے توں پیارے نیں غریباں دے سہارے نیں

جدوں سینے اوہ لا لیندے وچارے مسکرا پیندے

 

کرم تیرا بھنور وچ آ کے جد اعجازؔ ہتھ پھڑدا

مِرے پیراں نوں چم چم کے کنارے مسکرا پیندے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ