اردوئے معلیٰ

Search

جز آپ کے حیات کا ہر مرحلہ غلط

منزل کے سب نشان غلط قافلہ غلط

 

ذکرِ نبی سے قلب کو ملتا رہے سکوں

ذکرِ نبی لبوں پہ نہیں فیصلہ غلط

 

ثابت ہوا کلامِ خدا سے یہ برملا

’’جز اسوۂ رسول ہر اک راستہ غلط‘‘

 

ناموسِ مصطفےٰ جو نہیں تیرے ذہن میں

ایسے میں تیری سوچ کا ہر زاویہ غلط

 

جس کو نہیں ہے عشق رسولِ کریم سے

اس کی حیات کا ہے ہر اک ضابطہ غلط

 

ان کو وسیلہ مان کے زاہدؔ جیو سدا

ان کے سوا عطا کا ہر اک فلسفہ غلط

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ