اردوئے معلیٰ

Search

جس کے ہونٹوں پہ محمد کا ترانہ ہو گا

دیکھنا حشر میں وہ خلد روانہ ہو گا

 

جب رُخِ نور سے پردوں کو اٹھانا ہو گا

سارا عالم مرے آقا کا دِوانہ ہو گا

 

ایک دن آئے گا جاؤں گا مدینے میں بھی

اُن کے روضے کے قریں میرا ٹھکانا ہو گا

 

لطف فرمائیں گے سرکارِ دوعالم جس دم

ابرِ رحمت کے برسنے کا بہانہ ہو گا

 

قبر خود نور کی صورت میں بدل جائے گی

جس گھڑی اُن کا مری قبر میں آنا ہو گا

 

نام لیوا ہوں رضاؔ پیارے نبی کا میں بھی

ہے یقیں مجھ کو مرا خلد ٹھکانا ہو گا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ