اردوئے معلیٰ

Search

جو دل میں نعت مرے اعتکاف کرتی ہے

مدارِ قلب کا خوشبو طواف کرتی ہے

 

مدینہ خواب میں اس روز دیکھ سکتے ہیں

لڑی درود کی جب روح صاف کرتی ہے

 

طویل سانس لے ، طیبہ سے ہو کے آئی ہوں

قریب آ کے ہوا انکشاف کرتی ہے

 

یہ نعت ہے جو بناتی ہے روشنی کا دیا

دلِ سیاہ میں ایسے شگاف کرتی ہے

 

مجھے ملا ہے شرف خطۂِ مدینہ سے

زمین شان سے یہ اعتراف کرتی ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ