جو نبی دے سوہنیاں قدماں دی تھاں وچ آ گیا

جو نبی دے سوہنیاں قدماں دی تھاں وچ آ گیا

میں سمجھنا اوہ مکاں توں لا مکاں وچ آ گیا

یا محمد کہہ کے میں جد ہوٹھ اپنے چم لئے

مینوں کوثر دا مزا ہے ایسے ناں وچ آ گیا

ایہ نبی دی تے صحابہ دی کوئی تشبیہ تے نئیں

چودھویں دا چن جیویں ہے کہکشاں وچ آ گیا

یا رسول اللہ دی دے کے صدا ڈٹھا کرم

’’ہاں‘‘ کہون لئی کملی والا ہے میرے ہاں وچ آ گیا

ویکھ ، جنت ویکھ کے قدماں دے تھلے وچھ گئی

مصطفیٰ دا جد ادب ہے میری ماں وچ آ گیا

حشر وچ دھُپ کڑکدی اوہنوں بھلا اے ویکھدی

جو تری زلفاں دی نوری نوری چھاں وچ آ گیا

شعر کیہ اعجازؔ دے آئے خدائی لُٹ گئے

نعت والا ہے جیویں خود نعت خواں وچ آ گیا