اردوئے معلیٰ

Search

حسن دھرتی پہ ہی خلد کا دیکھ لے

چل مدینے کی نوری فضا دیکھ لے

 

دیکھنا ہے اگر جلوۂ مصطفٰی

کھول کر سورۂ و الضحٰی دیکھ لے

 

دردِ فرقت میں ہے زندگی کا مزہ

دردِ فرقت کا لے کے مزہ دیکھ لے

 

اب تڑپنا بھی کیا اے مری چشمِ نم

سامنے وہ ہے گنبد ہرا دیکھ لے

 

مشعلِ راہ کی گر ہے حاجت تجھے

نقشِ پائے حبیبِ خدا دیکھ لے

 

دور ہوں گی نہ کیوں کر یہ تاریکیاں

نور والے کی نوری ادا دیکھ لے

 

مجھ سے کہتی ہے آسی یہ بادِ صبا

چل دیارِ شہِ دوسرا دیکھ لے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ