اردوئے معلیٰ

Search

حضور آپ کی سیرت کو جب امام کیا

تو دل میں آپ کی الفت نے بھی قیام کیا

 

ملی ہے آپ کی چوکھٹ کی نوکری جس کو

اسے شہانِ زمانہ نے بھی سلام کیا

 

گئے تھے طور پہ موسیٰ کلام کی خاطر

بلا کے آپ کو قوسین پر کلام کیا

 

رہے جو آپ کے دشمن حضور مکّہ میں

انہی کے واسطے اعلانِ عفو عام کیا

 

خدا کا شکر ہے اس نے جلیلِ عاجز کو

درِ حضور کا ادنیٰ سا اک غلام کیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ