تذکرے چاروں طرف شاہِ اُمم صلی اللہ علیک وسلم! آپ کے ہیں

تذکرے چاروں طرف شاہِ اُمم ﷺ! آپ کے ہیں

ہر طرف پھیلے ہوئے نقشِ قدم آپ کے ہیں

 

ایسے اعمال ہیں اپنے کہ نہ پوچھیں آقا ﷺ!

شرم آتی ہے یہ کہتے ہوئے ہم آپ کے ہیں

 

کہہ سکیں ہم بھی سرِ بزم جہاں کاش کبھی

اب ہمارے یہ وجود اور عدم آپ کے ہیں

 

آپ کے دستِ سخاوت کے تصدق آقا ﷺ!

میرے کشکول میں سب دام و دِرم آپ کے ہیں

 

کیوں نہ ہو لائقِ تقلید حضور ﷺ! آپ کا خُلق

سارے قرآن میں اخلاق رقم آپ کے ہیں

 

نعت لکھنے سے جو پاتا ہے سکوں قلبِ عزیزؔ

میرے سرکار ﷺ! یہ الطاف و کرم آپ کے ہیں

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

ذکرِ رسولِ پاکؐ میں عمرِ عزیز صرف کر
مصروف دل ثنائے شہِ ذو المنن میں ہے
زہے اعجازِ انوارِ مدینہ
ہجومِ شوق اکساتا ہے نعتِ مصطفیٰؐ کہئے
نغمہ سرا ہوں میں بھی شہِ نامدار کا
روح کی بالیدگی اور دل کی فرحت کے لئے
نارِ دوزخ کو چمن کر دے بہارِ عارض
عرشِ حق ہے مسندِ رفعت رسولُ اللہ کی
لحد میں عشقِ رُخِ شہ کا داغ لے کے چلے
جسے عشق شاہ رسولاں نہیں ہے