اردوئے معلیٰ

Search

خداوندا! مرا دل شاد کر دے

مصائب سے مجھے آزاد کر دے

 

مرے ویرانۂ قلبِ حزیں کو

تُو اپنی یاد سے آباد کر دے

 

رہائی تُو دلا بے بال و پر کو

کہیں صیاد نہ برباد کر دے

 

میں لاغر ہوں نحیف و ناتواں ہوں

خدایا تُو مری امداد کر دے

 

خدا سنتا ہے کرتا ہے مداوا

کوئی مجبور جب فریاد کر دے

 

خدا خود بات وہ کرتا ہے پوری

جو محبوبِ خدا ارشاد کر دے

 

مجھے محفوظ رکھ ہر شر سے مولا

ظفرؔ سے دور ہر افتاد کر دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ