خدا کی مرضی کے ترجماں آپ ﷺ

خدا کی مرضی کے ترجماں آپﷺ

ہیں وجہِ تخلیق دو جہاں آپﷺ

 

خدا کی قدرت کا اک نشاں آپﷺ

خدا کی رحمت کا گلستاں آپﷺ

 

"​لسوف یعطیک”​ اتر رہا ہے

حضور! تاکہ ہوں شادماں آپﷺ

 

وہ راہ معراج بن رہی تھی

پہنچ رہے تھے جہاں جہاں آپﷺ

 

ہر ایک مومن کا دل ہے طیبہ

ہیں جلوہ فرما کہاں کہاں آپﷺ

 

ہوں کیوں نہ رشکِ جہاں صحابہ

کہ ان پہ ہر دم تھے مہرباں آپﷺ

 

کبھی بھی لب پر "​نہیں”​ نہیں تھا

ہمیشہ کہتے تھے ہاں ہی ہاں آپﷺ

 

سواد اعظم ہو کیوں نہ مسرور

کہ اس کے ہیں میرِ کارواں آپﷺ

 

ملائکہ, جن, بشر, خدا سے

درود پاتے ہیں ہر زماں آپﷺ

 

عذابِ شاتم یہی بہت ہے

کہ ہوں گے انعامِ عاشقاں آپﷺ

 

بہارِ جنت اسی لیے ہے

کہ ہوں گے یا مصطفی! وہاں آپﷺ

 

عطائے رب سے ہیں نعت گو ہم

ہوں کاش! جنت میں نعت خواں آپﷺ

 

رہا ہے موجود ازل سے قرآن

رہیں گے اس سے سدا عیاں آپﷺ

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email
لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

آرزو کس کی کروں ان کی تمنا چھوڑ کر
بھٹکے ہوئوں کو راہ دکھانے کے واسطے
پوشاکِ عمل جامۂ کردار پہن لوں
یا رب خلوصِ شوق کو اتنی رسائی دے
اے باعث آبادیء بزم گل و لالہ
جانبِ طیبہ سفر کی جب خیر پاتا ہے دل
امیدِ کرم ہے مجھے سرکار زیادہ
میری جانب بھی ہو اک نگاہِ کرم، اے شفیع الواریٰ، خاتم الانبیاء
کبھی کبھی یہ نظارہ بچشم تر آیا
منزلِ راہِ عشق کا ہم کو پتہ دیا کہ یوں