اردوئے معلیٰ

خیال آیا براے ثنا چنوں الفاظ

ادب سے ہو گئے سنتے ہی سر نگوں الفاظ

 

نکالتا ہوں میں ان کو غزل کے چنگل سے

پناہِ نعت میں رہتے ہیں پُر سکوں الفاظ

 

خدا کی شان کہ ان کو مثالِ گُل کر دے

نبی کی شانِ کریمی میں جب لکھوں الفاظ

 

سخن نثار کروں بر سکوتِ مصطفوی

کمالِ نطق پہ سب اپنے وار دوں الفاظ

 

یہ وہ قمر ؔہے جو لکھتا ہے نعتِ سرورِ دیں

درِ نبی پہ میں اے کاش یہ سُنوں الفاظ

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات