اردوئے معلیٰ

Search

خیال ڈھونڈ کے لاؤ بہت ضروری ہے

نبی کے شہر میں جاؤ بہت ضروری ہے

 

چراغِ نعت جلاؤ بہت ضروری ہے

دلوں میں جوت جگاؤ بہت ضروری ہے

 

غموں کی دھوپ بدن کو جلا نہ ڈالے کہیں

نبی کی نعت سناؤ بہت ضروری ہے

 

خدائے یکتا کی پہچان چاہتے ہو اگر

درِ رسول پہ آؤ بہت ضروری ہے

 

تمہارے ہجر میں مر نہ جائے کہیں مظہرؔ

حضور پاس بلاؤ بہت ضروری ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ