اردوئے معلیٰ

درجاتِ مصطفےٰ میں یوں تفریق کی گئی

درجاتِ مصطفےٰ میں یوں تفریق کی گئی

نبیوں سے بھی نہ آپ کی تطبیق کی گئی

 

ہے وہ رہینِِ منتِ محبوبِ لم یزل

جو شے بھی کائنات میں تخلیق کی گئی

 

آئینہءِ عمل میں وہ تصویرِ صدق ہیں

ہر عہد میں صفات کی تصدیق کی گئی

 

ہے فیضِ عشقِ نعت کہ در سے غریب کے

نعمت کبھی نہ لوٹ کے توفیق کی ، گئی

 

باہم لگن سے عرش پہ معراج کے سبب

دونوں طرف سے عشق کی توثیق کی گئی

 

پہلے پڑھا درودِ مقدس پھر اس کے بعد

ہر دل میں بات میرے اتالیق کی ، گئی

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ