اردوئے معلیٰ

دلوں کا شوق ، روحوں کا تقاضا گنبدِ خضرا

 

دلوں کا شوق ، روحوں کا تقاضا گنبدِ خضرا

زمانے کی نگاہوں کا اجالا گنبدِ خضرا

 

جو رنگ و بو کی دنیا سرزمینِ شہرِ طیبہ ہے

تو خلدِ چشم و فردوسِ تمنا گنبدِ خضرا

 

حبیبِ کبریا سائے میں اس کے محوِ راحت ہیں

دو عالم میں اسی باعث ہے یکتا گنبدِ خضرا

 

خدا کا شکر تائب کی نگاہوں نے بھی دیکھا ہے

وہ ہر سینے کے اندر بسنے والا گنبدِ خضرا

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ