اردوئے معلیٰ

Search

 

قدِ زیبائے رسول صلی اللہ علیہ وآلہ وسلم

 

دلکش و حسنِ مجسم تری اعلیٰ قامت

معتدل حسن مکمّل کا حوالہ قامت

 

قد، وہ قد حسن تناسب کا مرقّع کہیے

جاں نثاروں میں نظر آئے جو بالا قامت

 

خلقتِ اصل میانہ ہے پہ اللہ غنی

سب سے ممتاز ہی لائے شہِ والا قامت

 

مثل و تمثیل نہیں جس کی وہ مینار ہیں آپ

نور قامت ہیں حضور آپ اجالا قامت

 

ظلِ رحمت میں چھپالے جو خطا کاروں کو

اور کس کی ہے عدیمؔ ایسی دوشالہ قامت

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ