اردوئے معلیٰ

Search

دل تے میں آں خطاواں کردے قدم قدم تے

میرے کریم پوندے پردے قدم قدم تے

 

محبوب جلویاں دی خیرات دین آ کے

اکھیاں دے کاسیاں نوں بھردے قدم قدم تے

 

دھرتی دیاں جو نبضاں ہِن تیز کون آیا

اسمان آ کے تارے دھردے قدم قدم تے

 

دھُپ ساڑ دی غماں دی پر آقا دے دیوانے

زلفاں دی ٹھنڈی چھاویں ٹھردے قدم قدم تے

 

ہو بے ادب نہ جائیے سوہنے دے لئی فرشتے

پلکاں وچھان ڈردے ڈردے قدم قدم تے

 

کملی دا آسرا جے تکدے نہ غم دے مارے

طوفان غم دے کیویں جردے قدم قدم تے

 

اعجازؔ سِر جھکا کے محبوب دی ادا نوں

منظر کھڑے نیں بن کے بردے قدم قدم تے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ