اردوئے معلیٰ

Search

دل پہ غم چھا گیا یا نبی

ہو کرم سرورا یا نبی

 

آپ نورِ خدا یا نبی

کُل جہاں کی ضیا یا نبی

 

آہ طیبہ سے میں دُور ہُوں

جلد لو پھر بُلا یا نبی

 

اپنی الفت کی خیرات دو

ہے یہی التجا یا نبی

 

مشکلوں نے ڈرایا ، کرم

میرے مشکل کشا یا نبی

 

آپ کو رب نے ہے کر دیا

خاتم الانبیاء یا نبی

 

ہے نبوت رسالت تمام

آپ پر مصطفیٰ یا نبی

 

چاند ٹکڑے ہُوا ، آپ نے

جب اشارہ کیا یا نبی

 

ماہ و خورشید کو مل گئی

آپ سے ہے ضیا یا نبی

 

عاجزانہ مری عرض ہے

مُتقی دو بنا یا نبی

 

کیجیے چارہ اے چارہ گر

دیکھوں در آپ کا یا نبی

 

قلبِ مرزا بڑا ہے ملول

ہو کرم مصطفیٰ یا نبی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ