دونوں عالم کا ہیں منتہیٰ مصطفیٰ
وجہ تخلیقِ ارض و سما مصطفیٰ
درد مندوں کے دکھ کی دوا مصطفیٰ
بیوہ عورت کے سر کی ردا مصطفیٰ
بادشہ تا جور کجکلاہ ملک
تیرے در کے سب گدا مصطفیٰ
دل کا آرام ہے آنکھ کا چین ہے
شہرِ طیبہ کی ٹھنڈی ہوا مصطفیٰ
مر نہ جائے فراقِ مدینہ میں وہ
اپنے بیمار کو اب شفا مصطفیٰ
میری تقدیر کو بھی جگا دیجیے
مانتا ہے تمہاری خدا مصطفیٰ
ذاتِ احمد ہے ذاتِ احد کے قریں
عقل و وجدان سے ماورا مصطفیٰ
سانس خیرات ہے روشنی بھیک ہے
چاند سورج میں تیری ضیا مصطفیٰ
کام مظہرؔ کی بخشش کا کر جائے گی
روزِ محشر تمہاری ثنا مصطفیٰ
