اردوئے معلیٰ

Search

دو عالم میں ہر شے کی جاں ہیں محمد

کہ وجہِ زمیں آسماں ہیں محمد

 

جو پوچھا کسی نے ، ہے کیا مال و دولت

بتایا یہ دل ہے یہاں ہیں محمد

 

بصارت میں گر ہو بصیرت بھی شامل

تو ہر سو ہر اک جا عیاں ہیں محمد

 

جہاں سے وہ گزریں زمیں معتبر ہے

ہے جنت وہاں پر جہاں ہیں محمد

 

غنیم ان کے کردار کی دے گواہی

کریم ایسے شیریں بیاں ہیں محمد

 

ہوں عاصی عطا، پر مری خوش نصیبی

دلاسا ہے یہ، درمیاں ہیں محمد

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ