اردوئے معلیٰ

Search

دھڑکنوں میں سمیٹ ، جاں میں باندھ

وردِ صلِ علیٰ زباں میں باندھ

 

سلکِ قوسِ قزح میں حرف پرو

مصرعِ نعت آسماں میں باندھ

 

کھینچ خطِ نیاز چاروں طرف

گنبدِ سبز درمیاں میں باندھ

 

مدحِ معراج کے تعامل میں

ایک احساس لامکاں میں باندھ

 

ماورائے سخن ہے نعتِ نبی

لاکھ تدبیرِ نو ، بیاں میں باندھ

 

طاقِ ایقاں میں رکھ چراغِ ثنا

روشنی مت کفِ گماں میں باندھ

 

نعت صنفِ جمال ہے مقصودؔ

حرفِ تمدیح کہکشاں میں باندھ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ