اردوئے معلیٰ

Search

ذکرِ سرکار انگبیں میرا

نعتِ سرور سے دل حسیں میرا

 

میں کسی در پہ کیوں بھلا جاؤں

جب مدینے کا ہے مکیں میرا

 

خلد میں بھی بنائیے بَردہ

اس جہاں میں ہے دل حزیں میرا

 

جب سجایا درود کو لب پر

ہو گیا لہجہ دل نشیں میرا

 

جب سے واپس ہوا مدینے سے

تب سے دل لگ رہا نہیں میرا

 

خوف محشر کا کچھ نہیں زاہدؔ

ہے شفاعت پہ جب یقیں میرا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ