ذکرِ شاہِ ھدیٰ کیجیے
قلب کو آئِنہ کیجیے
ہے یہ دربارِ شاہ ہدیٰ
زور سے مت صدا کیجیے
مشک سے دھو کے اپنی زباں
مصطفیٰ مصطفیٰ کیجیے
میرے آقا ! مری فکر کو
ذوقِ مدحت عطا کیجیے
مہربانی کے برسیں گے پھول
ورد صل علیٰ کیجیے
کیجیے گفتگوئے نبی
چاند کو ہم نوا کیجیے
عظمتِ مصطفیٰ کا بیاں
کو بہ کو جا بہ جا کیجیے
آنے والی ہے بادِ عطا
دل کا دروازہ وا کیجیے
جو ہو گستاخِ شہرِ نبی
دُور اُس سے رہا کیجیے
شہرِ الطافِ سرکار میں
آپ ہیں ؟ تو مزہ کیجیے
میں ہوں کردارِ خیرالوریٰ
مجھ سے بھی رابطہ کیجیے
آئیں گے مصطفیٰ کے قدم
دل کو غارِ حرا کیجیے
نورؔ اولادِ سرکار کا
ہر گھڑی تذکرہ کیجیے
