اردوئے معلیٰ

Search

 

راستہ دکھاتا ہوں نعت کے اجالے سے

میں بھی جانا جاتا ہوں نعت کے حوالے سے

 

جب خیال آتا ہے صاحبِ دو عالم کا

روح میں اترتے ہیں بے بہا اجالے سے

 

کب قرار پائے گا میرا دل مدینے کا

چبھ رہے ہیں سینے میں فرقتوں کے بھالے سے

 

ریگِ دل میں پھوٹا ہے آب ہجرِ طیبہ کا

سیر ہو کے پیتا ہوں درد کے پیالے سے

 

جب اتاری جاتی ہے نعت میرے سینے پر

سرفراز ہوتا ہوں روشنی کے ہالے سے

 

ٹھوکروں میں رکھتا ہے تاج و تختِ سلطانی

جس کو بھیک ملتی ہے کالی کملی والے سے

 

آپ کو مواجہ پر حالِ دل سنانا تھا

فرطِ عشق سے لب پر پڑ گئے ہیں تالے سے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ